Teksa jemi në kulmin e sezonit turistik vihet re një shtim i fluksit të qytetarëve që kalojnë në pikat kufitare të vendit si në hyrje të Republikës së Shqipërisë ashtu dhe në dalje.
Kamera e Euronews Albania ishte këtë të mërkurë në pikën kufitare të Kakavijës në Gjirokastër, nga ku gazetari Blerim Kore tregoi mbi situatën situatën në këtë pikë kufitare.
Kore tha se nëpërmjet kësaj pike doganore kanë hyrë në vendin tonë rreth 13 mijë persona në ditë, si dhe kanë dalë mesatarisht 3 mijë.
“Gjatë tre ditëve të fundit, nëpërmjet kësaj pike doganore kanë hyrë në vendin tonë rreth 13 mijë persona, pra është i konsiderueshëm numri i personave që udhëtojnë nga Greqia në drejtim të Shqipërisë për të kaluar pushimet verore, por ndërkohë edhe në sportelet e daljes, nga Shqipëria në drejtim të Greqisë kemi, një fluks të konsiderueshëm lvizjesh ku mesatarisht janë rreth 3 mijë persona në ditë”, tha Kore.
Përveç emigrantëve shqiptarë që vijnë nga Greqia në Shqipëri, ka një shtim të lartë dhe numri i turistëve nga vende të ndryshme të Europës.
“Në Kakavijë në një ditë normale kalojnë rreth 2500 persona nga Greqia në drejtim të Shipërisë, ndërsa tani numri shkon në 4500- 5000 persona këto ditët e para të muajit gusht, ajo që vlen për tu theksuar është se në ndryshim nga vitet e tjera kemi një rritje rreth 50% të shtetasve të huaj, të personave nga shtete të ndryshme të Europës, të cilët pasi kalojnë disa ditë pushimesh në Greqi mendojnë që edhe Shqipërinë ta përfshijnë në guidën e udhëtimeve të tyre duke qëndruar disa ditë në Shqipëri”, tha gazetari.
LEXONI GJITHASHTU:
- Imazhet satelitore gjurmojnë autokolonat e Wagner në Bjellorusi
- “Qytet i mahnitshëm”, të rinjtë nga Bjellorusia zgjedhin të kalojnë verën në Berat