Diabeti konsiderohet nga ekspertët e shëndetësisë Botërore si pandemia e heshtur që po rrit çdo vit numrin e të prekurve.
Edhe Shqipëria po ndjek trendin global të shtimit të pacientëve me diabet, duke bërë që parashikimit për vitet e ardhshme të jenë të frikshme.
“Nëse më përpara ishte 3.4.5 mijë raste, tashmë kemi 7 mijë raste të reja me diabet. nëse vijon me këtë shifër, për 10 vite numri i personave të diagnostikuar në Shqipëri do jetë 120 mijë persona.”- u shpreh Florian Toti, shef i endokrinologjisë.
Në vendin janë 93 mijë pacientë të përfshirë në skemat e mjekimit për diabet, por për endokrimologët, shifrat e sëmundjes janë më të larta .
“Një pjesë e madhe e rasteve që janë me diabet janë të pa diagnostikuara, shifër që mund të jetë 30-70 % e atyre që janë të diagnostikuar”-shtoi Florian Toti.
Studimet kanë faktuar se ka disa faktor ndikues në rritjen e diabetit tip 2.
“Një faktor i rëndësishëm është plakja e popullatës, po futemi në atë grup-moshën që diabetin e ka pjesë të sëmundshmërisë, rritja e sedentarizmit dhe mungesa e aktivitetit fizik, nga ana tjetër janë zakonet e të ushqyerit.
Ajo çfarë po vihet re është ulja e moshës për diabetin tip 2, e cila lidhet drejt për së drejti me mënyrën e të ushqyerit dhe jetën jo aktive.
LEXONI GJITHASHTU: