Kryetari i grupit parlamentar të Partisë Socialiste, Bledi Çuçi, tha se qëndrimi i tyre në Konferencën e kryetarëve kishte qenë shumë i qartë lidhur me kërkesën e opozitës për mocionin me debat për trafikun e drogës, duke u ndalur te hetimet për Xibrakën.
Sipas Çuçit, nuk ka asnjë arsye se përse të zhvillohet ky mocion me debat, pasi sipas tij këto janë çështje të ezauruara të cilat janë hetuar dhe janë trajtuar gjerësisht.
“Të gjitha referencat lidhen që nga grupi Habilaj, që është hetuar gjerësisht që janë marrë vendime të formës së prerë si nga gjykata shqiptare edhe ato italiane, për të vazhduar me çështjen e Xibrakës dhe mbi të gjitha edhe debat politik është bërë në këtë parlament për këto çështje. Madje në 2018, parlamenti ka ngritur komision hetimor për këto çështje, gjë që e ka ezauruar debatin politik. Për ne nuk ka asnjë arsye që të ketë mocion debat për këto çështje”,-tha Çuçi.
LEXONI GJITHASHTU:
