Oficerët e policisë gjyqësore ishin pasditen e kësaj të shtune në ambientet e banesës s ëish-kryeministrin Sali Berisha, ku i komunikuan zyrtarisht masën e sigurisë “Arrest me burg”.
Në një prononcim të shkurtër avokati i Berishës, Sokol Mëngjesi, deklaroi se në takim me oficerët e OPGJ ishin prezent avokatët por dhe vetë ish-kryeministri.
“Normalisht një gjë e pritshme. Ishim dhe ne prezent ishte dhe vetë zoti Berisha kur erdhën oficerën e policisë gjyqësore”, tha Mëngjesi.
Kujtojmë se GJKKO caktoi mesditën e të shtunën masën e sigurisë “Arrest me burg”, me mbikqyrje policore, ku i lejohet komunikimi vetëm me familjarët e tij.
Sipas njoftimit të GJKKO Sali Berisha nuk duhet të largohet nga banesa e tij e ndodhur në adresën: Rruga “Mustafa Matohiti”, si dhe të mos komunikojë me persona të tjerë përveç atyre që bashkëjetojnë në të njëjtën banesë me të.
Për ekzekutimin e këtij vendimi është ngarkuar Prokuroria e Posaçme kundër Korrupsionit dhe Krimit të Organizuar, përfaqësuar nga prokurorët Arben Kraja dhe Enkeleda Millonai.
Këtë vendim e ka marrë gjyqtarja Irena Gjoka, për të cilën u tha se është kërkuar përjashtimi nga avokatët e Berishës, por kjo gjë nuk u konfirmua nga GJKKO.
Avokatet e Berishës deklaruan se vendimi ishte marrë në shkelje ligjore.
LEXONI GJITHASHTU:
